प्रयोगशालाको उद्देश्य :
- कृषि ज्ञानकेन्द्रहरु र स्थानीय तहहरुमा तथा कृषि कार्यमा संलग्न विभिन्न संघ/संस्थाहरुमा समन्वय गरी दिगो रुपामा माटोको उर्वराशक्तिलाई कायम राख्ने कार्यक्रमहरु संचालन गर्ने।
- माटो परीक्षण शिविरहरु सन्चालन गरी कृषकको घरदैलोमा पुगि कृषि चुन तथा मलखाद सिफारीस गर्ने तथा माटोको अवस्थाको बारेमा जानकारी गराउने ।
- माटो विश्लेषण, सर्वेक्षण र अध्यायनका आधारमा विभिन्न समस्याहरुको पहिचान गर्ने र समाधानका उपायहरु पत्ता लगाई सिफारिस गरी कृषि प्रसार कार्यलाई सहयोग पुर्याइ समानुपातिक रुपमा मलखादको प्रयोग गर्न कृषकलाई प्रेरित गर्ने।
- बाली विरुवालाई थोरै तथा नभई नहुने अति आवश्यक शुक्ष्मतत्वहरुको स्थिति अध्यायनको लागि अनुगमन गर्ने र के कस्तो सुधार आवश्यक छ सो को पहिचान गरी सुधारको उपाय खोजी गरी कृषक समक्ष पुर्याउने।
- माटोमा आउने विभिन्न प्रकारका विकृती अम्लियपना, क्षारियपना सुधारको लागी कृषि चुनक तथा जिप्सम आदिको सिफारीस गर्ने।
- माटोमा उर्वराशक्ति वृद्धिमा लागि हरियो मल, प्राङ्गारिक मल, गोबर मलको अतिरिक्त रसायनिक मलले खेलेको भसमिकाहरुको बारेमा कृषकलाई अवगत गराउने।
- अन्न बाली, तरकारी फलफूल खेती आदि बालीहरुमा विभिन्न मलखादको परीक्षण र सिफारिसको आधारमा मलखादको परिमाण सिफारीस गर्ने।
- माटोको विभिन्न विश्लेषण र अध्यायको आधारमा जानकारी संकलन गरी समस्यामुलक विषय तथा त्यस सम्बन्धमा अध्ययन तथा प्रविधि प्रसारण राखी कृषि उत्पादन तथा उत्पादकत्वमा वृद्धि ल्याउने।
- माटोको नमुना संकलन, विश्लेषण र नतिजाको आधारमा मलखाद सिफारीस गर्ने।
- बजारमा पाईने विभिन्न नाम र ब्राण्डका मलका नमुना विश्लेषण र मलमा भएको तत्वको बारेमा कृषकहरुलाई जानकारी गराउने।
- माटो सम्वन्धी परामर्श देखा परेका समस्याहरुलाई समाधानको खोजिमा लागि प्रादेशिक स्तरका योजना तर्जुमा गर्ने ।
- कार्यक्रमको कार्यान्वयनमा सम्वद्ध पक्षहरुलाई सहयोग पुर्याउने, अनुगमन गर्ने, मुल्याङ्कन गर्ने आदी कार्यहरु समेत यस प्रयोगशालाको उद्देश्य रहेको छ।